Argitaratzeko

Burujabe aldizkakarian ARGITARATU NAHI BADUZU(E), idatz iezaiguzu(e) burujabetzakolektiboa@gmail.com helbidera.

Jada ARGITARATZEKO BAIMENA BADUZU, KONTUAN IZAN HONAKO FORMATU IRIZPIDEAK, mesedez, aldizkakariak itxura erdi txukuna izan dezan.

Erroetara itzuliz sinplifikatzearen aldeko aldarria (Kote, Torre eta besteren baten ekarpenei esker ikasia)/ ihh

 

ARTIKULUARI BURUZ

1) Izenburua, labur eta hitz esanguratsutan + autorearen izena eta 

   lehen abizena marratxo "-" artean. 

   Adibidez: Eguberri postala -Haizea Urtasun-

2) Aldizkakariko atala.

        Formatua: hitz bakar batean, ahal delarik, edo gitxi

        batzuetan; letra larriz, kolore txuriko letraz,  

        letra loditan (negrita) eta testuaren fondoko kolore (color 

        del texto de fondo) granate ilunez (RGB 153, 0, 0) margotua.

        Adibidez:GIZARTE INGENIARITZA  

3) Artikuluaren azpititulua,  

   azpimarratu nahi den idea nagusia labur eta argi jasotzen duena. 

   "Azpigoiburu" (Subencabezado) formatuan jarri. 

   Eta, paragrafo hutsunerik utzi gabe, jarraian:

4) Nabarmendutako irudia. Alegia, artikuluarekin batera ikusgai 

   egingo dena.

   Hau, eta ondorengo argazkiak, beti:

   4.1) "Oso handi" (muy grande) tamainan.

   4.2) Oinarekin, honela: ZER DEN / NORENA DEN. Eta eskuinaldean 

        lerrokatua.

        Kontuan izan, ZER DEN atalean idazten duzun testu horrek, 

        diskurtso bat sortu behar duela artikuluaren  

        izenburuarekin, azpitituluarekin eta nabarmendutako 

        irudiarekin. Saia gaitezen poetikoak izaten. 

        Adibidez:

Izenburu, azpititulu, irudi eta argazki oinaren artean sortzen den diskurtso adibidea / ihh

        Argazki oin horrek (neri) honakoa iradokitzen dit, trapu 

        zikinak garbitzeko garaian haizea lagun dela, eta 

        erreferentzia egiten dio artikuluaren izenburuari eta nire 

        izenari, hortaz, sortzen den diskurtsoa, (niretzat, 

        subjektiboa baita bai, baina kode komunak ere partekatzen 

        ditugunez, petsatzekoa da besteentzat ere), honakoa: 

        artikulu hau aska bat da, hots, trapu zikinak garbitzeko 

        aukera bat, Haizeak asmo horrekin idatzi du, azpitituluan 

        agertzen duen lez. Agerikoa da horren eta balizko 'Arropa 

       lehortzeko zintzilik' argazki-oin literalaren arteko aldea.

   4.3) ZeZe lizentziapekoak ez badira, zure gain balizko

        erreklamazioen ardura. Desio adierazpena: intsumitu nigaz!

"Eskubide intelektualekiko" INTSUMITU NAIZ (intsumitu nahi izatera, libreki erabiltzeko irudia, krkr) / ihh

5) Tipografia, beti (salbu izenburutan, beste bat agertzen dela): 

   Courier, "paragrafo" (párrafo) formatuan, tamaina aldatu

   gabe.

6) Goibururik idatzi nahi izatera: "goiburu nagusia" 

   (encabezado principal) formatuan. 

7) Paragrafo bat eta bestearen artean lerro bat libre utzi.

8) Etiketak ezarri argitaralpenei (ad. "antiturbokapitalismoa" 

   etab.).

 

EGUTEGI ANTOLAKETA

1) Burujabe "aldizkakari" bat da; hortaz; adizka, alegia, 

   nahi-behar dugunean; argitaratzeko "kari" bat da. Beraz, ez dago 

   ez egunero artikulu bat argitaratu beharrik, ez eta egun berean 

   bi edo gehiago argitaratzeko mugapenik ere.

2) Ordea, irakurleen erritmo zaletasunak errespetatze aldera, 

   egokiagoa dirudi, ahal delarik, "egunean bat" formulari 

   egokitzea.

3) Egutegia antolatzeko, honela egingo dugu: argitaratzeko prest 

   dagoen artikuluaren izenburuan argitaratu nahi den DATA "URTEA + 

   HILABETEA + EGUNA" formatuan eta MUGIKORTASUN MALGUTASUN MAILA 

   adierazten duen kodigoa idatzi artikuluaren beraren izenburuaren 

   aurretik (adibidez, honela: "24-01-01 ME Hasi da ENaiz 

   Artefaktua").

4) MUGIKORTASUN MALGUTASUN MAILA (MMM) KODIGOA:

   ME: Mugi Ezina (efemeride bat delako, adibidez).

   MG: Mugigarria baina Galdetu (mugitu daiteke, baina autoreari 

   galdetu behar zaio; adibidez, beste artikulu baten 

   aurretik/ondoren joan behar delako, edota epe jakin baten 

   barruan argitaratu behar delako).

   MAG: Mugigarria Arazorik Gabe (edozein unetan argitaratu 

   daiteke, eta beraz, lasai asko mugitu, autoreari kontsultatu 

   gabe).

5) Artikulua ARGITARATU AURRETIK, data eta MMM-a EZABATU.

6) Beste norbaiten artikuluren bat "mugitu" behar baduzu, ALDA 

   iezaiozu  DATA, baina ez MMM-a.

BURUJABE ERABILTZAILE PROFILARI BURUZ

Profil honen bitartez blog hau sortu duen lagunaren (ni, Haizea) ahalmen berberak lortzen dira. Burujaberen helburuetako bat lan eta ardurak saretzea denez, hautu egokia iruditzen zait eskumenok partekatzea, eta noski, era berean, erabiltzaile berriek ere hala egitea eurek hona ekarritako lagunekin. 

Baina, sen komunak dio arduraz jokatu behar dugula denok honekin. 

Arriskua, ebidentea: asmo txarreko norbait batzea geurera. 

Ondorio posibleak: bloga goitik behera deuseztatzea, iruzurrez besteon izenean gauzak argitaratzea... 

Konponbidea, ene ustez, ezin da izan kontrola nere gain mantentzea. 

Sinisten dut burujabetza kolektiboetan eta, ondorio logikoz, saretze arduratsuetan. 

Beraz, norbere gain geratzen da boteretxo hau norekin partekatzen duenaren ardura. Irizpide on bat izan liteke, zuzenean ezagutzen ez dugun inorekin ez partekatzea, aurrez aurrekoak telekomunikazioaren bitartez ezkutagarriagoak diren norbanakoaren ezaugarrietako batzuk agertzen baititu. Edonola ere, zure esku geratzen da erabaki hau (ere).

 

LAGUNTZA

Laguntza behar izatekotan, zalantzak argitzeko, GALDETU: AURREZ, TELEFONOZ... edo idatzi burujabetzakolektiboa@gmail.com-era.